MODELO DE EXAME

LITERATURA UNIVERSAL

OPCIÓN A

1. Desenvolva o seguinte tema do programa: Principais novelistas da Europa do século XIX. Os personaxes femininos nalgunhas das obras máis representativas (2 puntos).

2. Relacione as obras cos seus autores e períodos (1 punto).

1	O estranxeiro	ETA Hoffmann	Teatro moderno
2	Contos fantásticos	Henrik Ibsen	Existencialismo
3	As aventuras de Tom Sawyer.	Albert Camus	Literatura romántica
4	A Ilíada	Mark Twain	Literatura grega
5	Casa de monecas	Homero	Narrativa Norteamericana, S.XX

    

3.Elabore un comentario literario no que atenda ás seguintes cuestións (7 puntos):

3.1 Contexto histórico e sociocultural de W. Shakespeare: o autor e a súa época (1 punto).

3.2 Faga unha breve exposición sobre o autor e a súa produción literaria, atendendo á obra         seleccionada (1 punto).

3.3 Expoña o tema deste fragmento e relacióneo con outros aspectos importantes da obra: caracterización dos personaxes, cuestións como o poder, a orde social, o amor etc. (2 puntos).

3.4 Analice as características formais do texto seleccionado e da obra na súa totalidade (1,5 puntos).

3.5 Faga unha valoración persoal e crítica desta selección e de Hamlet (0.5 punto).

3.6 Redacción do comentario. Valorarase ata un punto a precisión e claridade da redacción así como unha argumentación ben estruturada (1 punto).

HAMLET Ser ou non ser, esa é a cuestión:

¿É mais nobre para o espírito sufri-los

golpes e frechas da aldraxante fortuna

ou colle-las armas contra un mar de adversidades

e facéndolles fronte pórlles fin? Morrer, durmir…

non máis. E se é certo que cun sono rematamos

cos sufrimentos do corazón e cos mil golpes naturais

que son a herdanza da carne... é un final

ferventemente apetecible. Morrer, durmir...

durmir... soñar quizais. Ei-lo atranco,

pois os soños que soñemos nese sono de morte,

unha vez despoxados desta barafunda mortal,

nos deteñen. Ei-lo pensamento

que fai a desgracia tan duradeira.

¿Quen aturaría os azoutes e mofas do mundo,

a tiranía do opresor, a aldraxe do soberbio,

as congoxas do amor rexeitado, a lentitude da xustiza,

a insolencia dos poderosos e os desdéns

que o mérito paciente recibe dos indignos

cando podería liberarse

cunha simple daga? ¿Quen soportaría estas pesadas cargas,

este penar e sufrir dunha vida traballosa

se non fose que o medo ó que hai trala morte,

rexión ignota de fronteiras

das que ningún viaxeiro retorna, espanta o ánimo

e nos fai soportar estes infortunios nosos

antes que lanzarnos a outros que descoñecemos?

                                                   William Shakespeare, Hamlet

                                          Tradución de Miguel Pérez Romero.

  

LITERATURA UNIVERSAL

OPCIÓN B

 1. Desenvolva o seguinte tema do programa: A narrativa medieval ( 2 puntos).

 2. Relacione as obras cos seus autores e períodos (1 punto).

1	Eneida	W. Shakespeare	Teatro do absurdo, S. XX
2	Macbeth	Macbeth León Tolstói	Literatura latina
3	Sherlock Holmes	Samuel Beckett	Teatro isabelino
4	Anna Karenina	Virxilio	Realismo
5	Agardando a Godot	Arthur Conan Doyle	Novela de detectives de fin do XIX

  

3. Elabore un comentario literario no que atenda ás seguintes cuestións (7 puntos):

3.1 Contexto histórico e sociocultural de Fernando Pessoa: o autor e a súa época (1 punto).

3.2 A obra de Pessoa, as súas peculiaridades e importancia dos Poemas de Alberto Caeiro nela (1 punto).

3.3 Explique o asunto do que trata este poema, a súa significación, os temas principais do poemario, o característico da voz poética e da súa filosofía etc. (2 puntos).

 3.4 Analice as características métricas, estilísticas, retóricas etc. deste poema (1,5 puntos).

 3.5 Faga unha valoración persoal e crítica sobre o poema e o poemario ao que pertence (0,5 punto).

 3.6 Redacción do comentario. Valorarase ata un punto a precisión e claridade da redacción así como unha argumentación ben estruturada (1 punto)

XLIX

Métome dentro e pecho a xanela.

Traen o candeeiro e dan as boas noites.

E a miña voz contenta dá as boas noites.

Ogallá a miña vida sexa sempre isto:

O día cheo de sol, ou suave de chuvia,

Ou tempestuoso como se acabase o Mundo,

A tarde suave e as cuadrillas que pasan

Ollados con interese dende a xanela,

O derradeiro ollar amigo dado ao sosego das árbores,

E despois, pechada a xanela, o candeeiro aceso,

Sen ler nada, sen pensar en nada, nin durmir,

Sentir a vida correr por min como un río polo seu leito,

E aí fóra un gran silencio como un deus que dorme.

                                                            Fernando Pessoa, Poemas de Alberto Caeiro



.